سيناوي

 


العودة

 

سيناوي > >


 
تقييم الموضوع
 
قديم 18-05-2019, 02:33 PM
المشرف العام
 

كلمة كاليماري هي الكلمة الايطالية للحبار وبالانجليزية squid بنوعيه العريض (اللي بنقول عليه سبيط) والطويل (اللي بنقول عليه كاليماري) يعني مافيش حاجة اسمها كاليماري وحاجة اسمها سبيط... الفكره انهم الاتنين ممكن يتقال عليهم كاليماري أو سبيط لأنهم فصيل واحده اسمه الحبار البسيط

أما عن التقسيم الدارج فى مصر فهو السبيط

هو صاحب شكل عريض المنكبين وفى الانجليزيه هو grin emoticon وعظمته عريضة وسميكه ولحمه سميك الكليماري شكله مبروم بجسم مخروطي وعظمته خفيفة ورفيعة شفافة ولحمه رفيع

سمكة الكليمارى او السبيط من الرخويات البحرية التى تتمتع بقوة غير عادية فى الشد أثناء صيدها حتى ولو كانت صغيرة الحجم بالرغم من سهولة وصعوبة صيدها.


كاليماري

موسم صيد الكاليمارى

موسم الصيد لها يبدأ من شهر 8 وحتى اخر شهر 3 وأفضل وقت ل صيد الكاليماري و صيد السبيط بيكون من 7-22 من الشهر العربي وبعد المغربية وقبل الفجر موسم التزاوج من 4-7 وبيبقى شغال برضك كويس جدا من شهر 10-12 وهو بيبقى شغال طول السنة لكن أشده في الشتا، وكمان مع طلوع البحر إلى الجذر وقمةالصيد في الليالي القمرية ودي شفتها بنفسي ليلة 14 كان الشغل على ودنه وأحجامها تترواح مابين الربع كيلو الى الخمسة كيلو .


كاليماري

الطعم

نستخدم فى صيده اللباره "رابله" وهى عباره عن جسم بألوان فاقعه ومصنوع من نوع من المواد التى تمتص الاضاءه و تحتفظ بها لفترات وتلمع في الظلام

الادوات

بيكون ببوصة من 3.5 م الى 4.25 م ، ممكن غماز وطبعا رابلة كاليماري لا تزيد عن 40 سم ولها طريقتين فى صيدها


صيد الكاليماري و السبيط

الطريقه الاولى :

ربط اللباره على شعر المكنه ويتم الرمى ثم التجريه عليها برفق حتى يتاح لها رؤيه اللباره وتعطيها وقت لتمسك اللباره

الميزه هنا انك بتكون على الارض واللباره بتتحرك فوق الوعر فبتطلع احجام محترمه كبيره ومتوسطه لكن المشكله إنك لو وعرت والصخره تملكت من اللباره بتضيع منك و بتضطر تحط غيرها

الطريقه الثانيه :

نضع فله متوسطة الحجم على شعر المكنه وبنربط اللباره وناخد عيار للفله من متر الى متر ونص ونرمى ونلم على مهلنا اوى كده بتكون بعيده عن الوعر لكن نسبيا برضه بعيده عن السبيط والكلامارى الكبير و الطريقه دى أقل فعاليه من الطريقه الاولى لكن اوقات كتير بتظبط لأنه السبيط و الكاليماري ساعات بيكون عايم
بخ الحبر



1- الفصيله دى بتمشي فى مجموعات من 3 الى 5 وممكن سبعه كمان ف لو مسكت معاك الطعم ومعاك حد خليه يرمي جمبك و بنسبه كبيره جدا هتشبك معاه واحده
2- تلم بالراحه حتى بعد م الطعم يمسك لأن اللباره حاميه اوى ولو لميت بسرعه أو قرصت فى اللم اللباره هتجرح جسمها وبتروحمش بس كده د كمان بتبخ حبرها و ساعتها كل السمك اللى فى الميه و كل السبيط والكاليماري اللى فى الميه هيهرب
3- اللباره بتحتاج تتحط قدام الضوء عشان تتشحن ف لازم تأكد على الموضوع دا قبل الخروج للصيد
4- أفضل الاوقات لصيده هى الليالى القمريه لكن هو موجود طول السنه
5- عند إخراجه يترك قليلا على الشط حتى يخرج وحده من الرابله وإلا يبخ الحبر ويبهدلك
6- في حاله افلاته تسحب الرابله ثم الحدف في نفس المكان او بالقرب منه لالتقاطها مره اخري طالما لم يبخ الحبر
7- يفضل وجود كشاف أو أي نور في المية ويمكن اصطياده من المركب أيضا
8- يمكنها بخ الحبر على بعد مترين او اكثر ولا ينتهى لأن فى لحظة خروجها تقوم بتعبئة نفسها بالماء ولا ينتهى منها بخ الحبر الا بأنتهاء الماء المخزن بداخلها ولو نزلت فى الميه تانى ستكرر نفس العملية بدون انتهاء فعليك وضعها فى اى مكان حتى تصفى الماء بداخلها


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع تقييم هذا الموضوع
تقييم هذا الموضوع:

الانتقال السريع


 RSS Feeds - ارشيف - الخصوصية - الأعلى

Powered by vBulletin